أخبار مصر

المالية ..تنفيذ فورى لفتوى مجلس الدولة للمعلمين وجميع العاملين بالدولة بصرف رصيد الاجازات كاملا “مستند”

أصدرت وزارة المالية الكتاب الدورى رقم 37 لسنة 2020 بخصوص ضوابط صرف رصيد الاجازات المتكون قبل قانون الخدمة المدنية
ويشرح الاستاذ محمد سباق المتخصص المالى الكتاب الدورى بطريقة مبسطةتتمثل فى الاتى :
تعالوا نعرف إيه حكاية الكتاب الدوري لوزارة المالية رقم 37 لسنة 2020 وعشان تعرف حكايته لازم تكون قريت فتوى الجمعية العمومية لقسمي الفتوى والتشريع رقم 1439 لسنة 2019
وتكون اطلعت على قرار وزير المالية رقم 199 لسنة 2017
وعشان نريحك من كل الأمور دي نقول لك الحكاية
في 2017 قام السيد وزير المالية وطلع قرار بخصوص تعليمات صرف رصيد الأجازات بعد ماتطلع معاش وقال فيه
* مافيش حد يصرف فوق ال 789 يوما كرصيد ونراعي بتوع المناطق النائية
** وقال لو المبلغ اللي هنصرفه لك فوق ال 10 آلاف هنقسم لك المبلغ نصين تصرف نصه وبعد 6 شهور تصرف نصه التاني ودي حكاية قرار وزير المالية رقم 199 لسنة 2017.
* قامت الجمعية العمومية لقسمي الفتوى والتشريع قالت له لا يا فندم ماتعملش كدا لأن حضرتك خالفت نص القانون وسلطتك إنك تحط قرار أو لايحة بس ماتخالفش صريح نص القانون
وقالت له احنا أفتينا إن البندين دوول مش هينفعوا
* والموظف من حقه ياخد أيامه اللي تكونت قبل العمل بقانون الخدمة المدنية
* وماينفعش حضرتك تقول ماحدش يزيد عن 789 يوما *وكمان حضرتك ماينفعش حضرتك تقسم له المبلغ نصين
* ده حقه ويصرفه مرة واحدة يطلع 10 آلاف يطلع أكتر يطلع أقل ده حقه
* وانت كده بتعمل تفرقة بين الموظفين ودي كانت الفتوى رقم 1439 لسنة 2017.
*** قام السيد وزير المالية مشكورا راح مطلع كتاب دوري وقال
* واحنا مع الفتوى
* وهامتثل ليها زي ما أفتيتوا
*وهنصرف الرصيد زي مايطلع ومش شرط 789 يوما ع الأكثر
* وكمان هنصرف لك مبلغك مرة واحدة حتي لو كان أكتر من 10 آلاف
*** ونبه على مسئولي المالية في الجهات بتنفيذ الفتوى

 


أدم الشامي

صحفي مصري حاصل على عضوية نقابة الصحفيين المصرية لعام 2013 , واهتم بأخبار التعليم فى مصر واعمل فى جرائد إلكترونية منها مجلة لغة العصر وبوابة مولانا

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock