مدارس

خطوات ترتيب تنسيق الثانوية العامة 2020 بالصور لجميع المراحل تنسيق المرحلة الأولي والثانية والثالثة

نقدم لكم متابعينا خطوات تسجيل رغبات التنسيق للثانوية العامة 2020 وإليكم الدليل الشامل لمعرفة خطوات التنسيق بالصور لكي تحصل على الكلية التي تريدها بالشكل الصحيح وتتغلب على جميع مشاكل التنسيق وخطواته الصعبة تابع معنا خطوه بخطوه ترتيب تنسيق الثانوية العامة.

خطوات تنسيق الثانوية العامة 2020 بالصور

1 – أولا عليك فتح رابط الدخول على موقع تنسيق الثانوية العامة 2020  من هنا

2 – قم باختيار نظام حديث من القائمة .

3 – ادخل رقم الجلوس للطالب ، والرقم السرى الموجود فى شهادة الثانوية العامة الـ هتجيبها من المدرسة ، اوعى حد يعرف الرقم ده غيرك علشان ميدخلش ينسق لك أو يعدل لك فى التنسيق ، بعد كدا هتكتب الرقم التأكيدى الـ هو المشفر ده ، بعد كدا تضغط الخطوة التالية.

تسجيل الرغبات من يوم ٢٢ حتي ٢٦ أغسطس

خطوات تنسيق الثانوية العامة 2020

والان نجيب عليكم في معرفة خطوات تنسيق الثانوية العامة 2020

4 – هتظهر معاك الصفحة الرابعة دى ، بياناتك ، فيه بياناتك ، بتبقى مشفرة غير قابلة للتعديل ، كتأكيد البيانات بتاعتك بس يعرفك يعنى ، مجموعك ولغتك الأولى ودرجتها ولغتك التانية ودرجتها وتاريخ ميلادك .. الخ ، هتضغط الخطوة التالية.

5- هتظهر لك صفحة الرغبات ، ركزوا معايا هنا بقى ، هتلاقى عندك جدول مكون من 60 خانة ، المفروض انك تضيف فى الـ 60 خانى دول الكليات الـ انت عايزها بالترتيب بحيث الكلية الـ متلحقهاش ياخدولك الكلية الـ بعدها ولو ملحقتهاش ياخدوا الـ بعدها .. وهكذا ، لما تيجى تضيف الكليات اختار التخصص ، هيظهر لك هندسة ، حاسبات ، فنون جميلة .. الخ ، لو انت عايز تحط هندسة فى الأول ، اختار كل كليات هندسة الـ هتطلع لك بالترتيب ، لازم يجبرك إنك تدخل أول أقرب كليتين ليك ، يعنى لو انت من كفرالشيخ هيجبرك تدخل هندسة كفرالشيخ رقم واحد وبعدين المنصورة وبعدين تختار براحتك الباقيين متلغبطين ، تركز فى الاختيار ده علشان الكلية الـ هتتفوت ومش هتلحقها هيدخل لك على الـ بعدها ، وتختار بالمعقول ، يعنى متبقاش جايب 90% انت أدبى ورايح تحط سياسة واقتصاد فى الأول وبعدين السن .. الخ وتملا الجدول بكليات انت مش هتلحقها على الفاضى وتتزنق فى الاخر وميفضاش ليك أماكن لباقى الكليات ! ، قدامك سهم طالع وسهم نازل ، دى لو انت عايز تجيب كلية قبل كلية او كليلة بعد كلية تعدل من السهم الطالع والنازل دول.

تعلم كيف تنسق لكليتك بالصور بنفسك

6- بعد كدا هتخش على الخطوة الـ بعدها الخطوة التالية.

7- هتظهر لك الصفحة الـ بعدها ، هيطلب منك بيانات للتأكيد ، الرقم القومى ، ورقم الهاتف ، والرقم السرى ، حط له البيانات دى واضغط الخطوة التالية.

8- هتظهر لك الصفحة الأخيرة ، وهى عرض لقايمة الرغبات الـ انت حطيتها ، تطبعها وتخليها معاك.

ملحوظة :

– فترة التنسيق بتتفتح لمدة معينة الوزارة بتحددها ( 5 أيام مثلا ) ، انت متاح ليك فى الـ 5 أيام دول لو حابب تعدل فى كلية وتجيبها مكان كلية أو تعمل أى حاجة براحتك ، تفتح الموقع بنفس الطريقة وتعدل عادى وتحفظ.

– قبل ما التنسيق يتقفل بيوم ، افتح الموقع اتأكد ان كل حاجة سليمة.

– الوزارة هتقفل التنسيق بعد انتهاء الفترة المحددة وبعدها بحوالى 3 أيام النتيجة بتظهر ، بتفتح الموقع بنفس الطريقة ، وتضغط الحصول على بطاقة الترشيح ، بيقولك انت اتقبلت فى كلية ايه ، وفى نفس الوقت بيظهر تنسيق الكلية الـ انت دخلتها خدت من كام فى % وكام مجموع.

– هتطبع بطاقة الترشيح وتروح تقدم بيها فى الكلية مع الأوراق التانية المطلوبة ( هبقا اتكلم عنها برده ).

– فيه حاجة اسمها تقليل اغتراب ، يعنى انت لو انت ملحقتش كلية محافظتك ودخلت مكان بعيد ، ليك الحق تعمل تقليل اغتراب وترجع كلية محافظتك حتى لو مجموعها بياخد اعلى من مجموعك ! ( دى الوزارة بتحديد موعدها بعد التنسيق لما بيخلص وقبل ما تدخل الكليات ).

تابعنا على مواقع التواصل الإجتماعي ليصلك كل جديد :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock