أخبار مصر

رابط تظلمات طلاب الثانوية الأزهرية واسماء الإدارات لعمل التظلمات

نعلن لكم متابعينا رابط منظومة الطعون الإلكترونية على نتيجة الثانوية الازهرية ٢٠٢٠ والتى تبدأ من 8/16 الي 9/15 ، وننشر لكم رابط تقديم التظلم على نتيجة الثانوية الازهرية

تظلمات نتيجة الثانوية الازهرية 2020

وننشر لكم اعزائنا المتابعين من الطلبه والطالبات الاسئلة الشائعه حول تظلمات الثانوية الازهرية واجابتها .

١- يعنى ايه (الطعن) او التظلم ؟
ج: يعنى حضرتك كطالب حصلت على مجموع لايرضيك وانت متاكد من اجابتك وحسيت انك ظلمت او حدث خطاء فى تصحيح جزئية معينة او غلطة فى تجميع درجات مادة من هنا بتفكر انك تعمل طعن او تظلم من اجل الحصول على حقك .

٢-اعمل تظلم ازاى ؟ او ازاى اقدم على طعن ؟
ج: حضرتك هتروح المنطقة التابعة لك هتقوله عايز اعمل تظلم او اقدم طعن .

٣- رسوم الطعن كام؟
ج: اى مادة بعد ما شفت درجاتك ومتاكد انك ظلمت فيها بتختارها وتبلغ بيها المنطقة وتدفع لكل مادة ١٠٠ج
مثال : ٣ مواد يبقى ٣٠٠ج

٤- لو اخذت درجات هيحصل ايه ؟
ج: اولا هتضاف الى مجموعك . ثانيا هتسافر القاهرة ترجع فلوسك لو مادة هتاخد ١٠٠ج . طيب لم احصل على درجات ليس من حقك تاخذ فلوسك .

٥- ميعاد التظلمات ؟
ج: هيفتح من بكرة يوم الاحد ١٦ /٨ ويقفل باب التظلمات يوم ٩/١٥.
لمدة شهر كامل .

٦- لو عملت تظلم اعرف ازاى انى اخدت درجات او لا ؟
ج: حضرتك لو عملت تظلم غدا مثلك مثل اللى هيعمل تظلم اخر يوم فى التظلمات يعنى هتنتظر شهر كامل علشان تشوف نتيجتك .

٧- بعد الانتظار لحد ما باب التظلمات يقفل هعرف ازاى درجاتى ؟
ج: بعد عمل التظلم هتاخد كود زى رقم الجلوس هتحتفظ بيه بوابة الازهر الالكترونية اللى حضرتك حصلت على نتيجتك من خلاله الموقع ده هينزل نتيجة التظلمات هتكتب الكود هتخرج لك النتيجة .

٨-ازاى احصل على درجات ومضيعش فلوسى ؟
ج: سؤال جميل لازم تعمل ٣ حاجات مهمة جدا جدا
١-هتنزل او تشترى او تعرف انت امتحنت مادة ايه اللى نزلت فى درجاتها علشان تفتكر الامتحان كويس واجابتك
٢-هتنزل او تشترى نموذج الاجابة علشان تقارن اجابتك بالنموذج .
٣- لازم تكون محضر نفسك وعقلك علشان لما ورقتك تظهر او تشوفها على الشاسة او تشوفها بنفسك تكون عامل ملاحظاتك عليها علشان توفر جهد ووقت عليك وعلى المصحح . غير كده لاتحصل على درجات

٩- كام طالب او بنسبة قد ايه بنحصل على درجات
ج: بنسبة ١٠% من اجمالى المقدمين على تظلمات
لو ١٠٠ بيحصل على درجات ١٠ طلاب

١٠- العدد قليل جدا فى الحصول على درجات ؟
ج: من سلبيات التظلمات هو عدم اخذ حقك فى فتح الورقة ومراجعتها بدقة سؤال سؤال وجزئية جزئية وايضا عند البعض هى فقط عملية مراجعة سريعة وتجميع درجات مما يؤدى ذلك الى انخفاض اعداد الطلاب الحاصلين على درجات

١١- انا خايف او متردد
ج: لو فعلا واثق انك حليت كويس وبنص الكتاب شرعى وعربى اعمل تظلم وشوف ورقتك وحاول لاتتعمد مضايقة المراجع لانه مشغول وعايزين يشوفوا اللى بعدك وان شاء الله هتحصل على درجات

١٢-حالات لم يتم اخذ درجات فيها ؟
الكشط – تمزيق الورقة لو نجحت بالخطاء – تعديل الاجابة او اجابة خارج السياق – كتابة اجابات من خارج الكتاب من وحى وتاليف الطالب – المسودة البعض يعتمدها والاخر لا
اخيرا لازم تكون محدد موقفك واجاباتك وتعرف ترد على المراجع

بعد حصولك على درجات ورغباتك اتفتح باب الرغبات وسجلت رغباتك ولما نتيجة الرغبات ظهرت وجدت نفسك حصلت على درجات فرفع مجموعك . ماذا يحدث ؟ ان شاء الله هتروح تضيف درجاتك من نفس المنطقة ومجموعك هيتعدل وانت فى الرغبات بتسجل اول رغبة كلية فوق مجموعك ٣او ٢% وهنقول ليه تفصيلا فى باب الرغبات

اسماء الادارات لعمل تظلمات على نتيجة الثانوية الازهرية

وإليكم متابعينا اسماء الادارات التابعة لكم لعمل التظلمات مقر التظلمات فى الادارة التابعة لكل طالب

رابط تظلمات نتيجة الثانوية الازهرية 2020

منظومة الطعون الالكترونية

  • ويمكنك الدخول والتقديم على تظلمات نتيجة الثانوية الازهرية على رابط منظومة الطعون الالكترونية من هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى