كيفية حساب المرتبات الجديد بعد التعديل للعاملين بالازهر التابعين للخدمة المدنية، والتعرف على قيمة الزيادات الجديدة

تنشر بوابة مولانا شرح احتساب مفردات مرتب للخاضعين لقانون الخدمه المدنيه من اعداد الاستاذ / محمد صلاح متخصص ماليات بالازهر الشريف
ببساطه كده وبدون تطويل عليكم وباختصار شديد.
الاداريين
مستحقاتهم
الأجر المكمل
الأجر الوظيفي
الحافز التعويضي
الحافز الإضافي
نسب وحصص الحكومه وحصص العامل بقانون المعاشات الجديد
جانب المستحقات
٪١٢
٪١
٪٣
٪١.٢٥
طب النسب دي في جانب المستحق هنجيبها ازاااااي؟
هتقوم جامع كل مايستحق الموظف وهوا

الأجر المكمل عباره ناتج جمع كلا من (مكافأه الامتحانات بتحسب بنسبه ٨٣.٣٣٪ من اساسي ٢٠١٥ و حافز الاثابه بتحسب بنسبه ٩٢٪ من اساسي ٢٠١٥ والحافز التكميلي للحد الادني للأجور ان وجد ) والأجر الوظيفي والحافز التعويضي والحافز الإضافي اللي هوا ١٥٠ ج

ناتج الجمع دا هيطلع رقم وليكن مثلا ٣٠٠٠ المبلغ دا تقوم مطلع منه النسب اللي فوق دي
مثلا ٣٠٠٠ في ١٢٪ يساوي ٣٦٠
٣٠٠٠ ف ١٪ يساوي ٣٠
٣٠٠٠ف ٣٪ يساوي ٩٠
٣٠٠٠ ف ١.٢٥٪ ٣٧.٥

هتقوم جامع المبالغ دي اللي هيا ٣٦٠+٣٠+٩٠+٣٧.٥٠ يساوي ٥١٧.٥ هتقوم جامع دووول علي ٣٠٠٠ هيساوي ٣٥١٧.٥
دا جانب المستحقات

جانب المستقطع النسب الجديده له هي
٪١٢
٪٩
٪١.٢٥
٪١
٪٣
٪١
٪١
هتطلع النسب من جمله الدخل وهوا ٣٠٠٠ هيطلع رقم
هتضيف عليه
صندوق التكافل
الضرائب
الدمغه
نقابه الأزهر
زماله وزاره
اي اشتراكات اخري

هتقوم جامع جمله حصص الحكومه والعامل بالاضافه لباقي المستقطعات الاخري صندوق التكافل والدمغه وكل مام ذكره دا هيطلع لك مبلغ وليكن مثلا ٨٠٠

يبقي

مثلا الصافي المستحق
جمله المستحق – جمله المستقطع هيساوي مثلا ٣٥١٧.٥مطروح منه ٨٠٠ يبقي الصافي مثلا ٢٧١٧.٥٠ ج

عايز تعرف بقا انت هتزيد ف حدود كام اطرح الرقم دا مثلا ٢٧١٧.٥٠ من راتب شهر ١٢ مثلا هيطلع فارق دا هيبقي فارق ف زياده الراتب

لاحظ

انه هيبقي فيه زياده في شريحه الدمغه والضريبة ياعني الضريبه والدمغه هتزيد شويه عن الدمغه والضريبة لراتب شهر ١٢ مثلا

دا باختصار شرح بسيط لمفردات مرتب للتعديلات الجديده للخاضعين لقانون الخدمه المدنيه

انتظروا شرح الزيادات الجديدة وكيفية حسابها للمعلمين


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى